На 16.03.2024 година во Гимназијата „Георги Димитров“ во Скопје, се одржа големото финале на Државната олимпијада по германски јазик на која свое учество зедоа 222 ученици од основните училишта и 100-тина ученици од средните училишта.Благодарност до сите натпреварувачи, кои со поддршката на своите ментори беа дел од настанот, на сите поддржувачи на Германската олимпијада и се разбира на домаќините за нивното гостопримство.

Оваа прилика ја користеме да изразиме срдечна благодарност и до Амбасадорката на С. Р. Германија Г-ѓата Петра Дрекслер, како и до Директорката на Гете-Институтот Скопје Г-ѓата Катрин Оствалд Рихтер. Нивното присуство на отворањето на Државниот натпревар го потенцира нашиот ангажман како наставници по германски јазик во промоцијата на германскиот јазик во нашата држава.